بسمة بوسيل تتهم مسؤولة صفحات تامر حسني بأنها السبب وراء انفصالهما

وجهت الفنانة المغربية، بسمة بوسيل، اتهامًا للمسؤولة عن إدارة حسابات مواقع التواصل الاجتماعي لطليقها تامر حسني، بأنها السبب وراء انفصالهما.

ونشرت بوسيل عبر خاصية “ستوري” مقطع فيديو من حفل زفاف هالة عمر وهي تتوسط عريسها وتامر حسني، وقد علقت عليه بالقول: “حسبي الله ونعم الوكيل فيكي يا هالة”.

وأضافت في منشور لاحق: “احترام العِشرة بيبتدي باحترام مشاعر غيرك.. بالذات لو حد كان هو السبب الرئيس في خراب بيتك.. وهدم حياة أولادك”، وذلك في إشارة إلى أن هالة عمر كانت سبب طلاقها من تامر حسني.

وكان الفنان المصري تامر حسني نشر بضع صور ومقطع فيديو من حفل زفاف مسؤولة حساباته، دون أن يعلق على اتهامات بسمة بوسيل الموجهة إليها.

وأرفق فيديو الزفاف، بمنشور طويل، تحدث فيه عن سبب اهتمامه بزفاف هالة عمر، وكيف أصبحت مسؤولة عن إدارة حساباته في مواقع التواصل، معتبرًا أن هالة أصبحت فيما بعد بمثابة “ابنته الكبرى”.

وقال تامر حسني خلال المنشور : “لكل اللي بيسأل “ايه صلة القرابة بيني وبين العروسة الجميلة دي”. أنا هحكيلكوا هي اسمها هالة عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت ومن كتر دفاعها عني لفتت نظري ومرة رديت عليها شكرتها ولما سافرت اسكندرية في الوقت ده لقيت بنت صغيرة اوي بتعيط وبتجري عليا فوقفتلها وفكرتني بنفسها وفضلت تعيط وتقولي احنا معاك ولازم تكمل عشان كنت بتحارب جداً في بداياتي فاتصدمت ان اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة وقتها كانت السوشيال ميديا لسة بتطلع وكنا في شركتنا بندور على شركة كبيرة تمسكلي السوشيال ميديا”.

وأضاف: “أصررت على استلامها للمهمة وقلت لازم اكتر حد بيحبني هو اللي يمسكها وأنا واثق ان طاقة الحب مفعولها أقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعاً ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر”.

وختم تامر حسني كلامه بالقول: “معرفتش أرد على كلامك عني في الفرح يا هاله رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله”.